"Челси"дан кетиши керак бўлган 5 футболчи

Кўриниб турибди, бу мавсумда "аристократ"лар таркибида бир неча футболчилар ўз ўрнини йўқотиб қўйган. Биз ушбу мавсумдан кейин "Челси"ни тарк этиши керак бўлган 5 футболчи ҳақида фикр юритамиз.

5. ДАВИД ЛУИС

Давид Луиснинг "Челси"даги вақти ўтди. Ўтган йилнинг ноябрь ойидан кейин Контенинг бразилиялик футболчига бўлган иштиёқи йўқолди.

У январдаёқ жамоани тарк этиши мумкин эди. Ўша вақтда ҳам у асосий таркибдан тушиб қолаётганди. "Арсенал" футболчи билан алоқага чиққанди. Шунингдек, "Ювентус" ва "Реал" каби клублар ҳам унинг хизматларига қизиқиш билдирганди. Бироқ Луиз ёзда жамоани тарк этишга қарор қилди.

4. ГАРИ КЭХИЛЛ

Гари Кэхилл "Челси"нинг сардори, бироқ у бу мавсумда яхши ҳаракат қила олмади. Агарда у шу тарзда давом этадиган бўлса, раҳбарият Кэхиллни жамоада сақлаб қолмаса керак.

Курт Зума навбатдаги мавсумда унинг ўрнини эгаллаши кутилмоқда. Кэхилл асосан турнир жадвалининг сўнгги поғоналарини эгаллаб турган жамоалар билан учрашувда илк дақиқалардан майдонга тушмоқда. Қолган вақтларда эса Конте Кристенсеннинг хизматларидан фойдаланмоқда.

Қишда Кэхиллни "Вест Хэм", "Кристал Пэлас" ва "Астон Вилла" каби клублар нишонга олганди. Бироқ у жамоасида қолишни афзал кўрди.

3. СЕСК ФАБРЕГАС

Фабрегас ҳам "Челси"дан кетиши керак, у бунга тайёрланмоқда. Бу мавсумда унга ўзини кўрсатиши учун кўп имконият берилмади.

Унинг шартномаси 2019 йилда якунига етади. "Кўклар" унинг ўрнига Росс Баркли билан шартнома имзолади.

30 ёшли футболчи бир йиллик шартномаси қолганига қарамасдан жамоани тарк этиш эҳтимоли юқори. Ўтган ёзда "Милан", "Интер" ва "Ювентус" каби клублар у билан алоқага чиқишган ва трансфер ишларини муҳокама қилишган.

2. МИШИ БАТШУАЙИ

Батшуайи "Челси"да ўзини кўрсата олмади. Сабаби у жамоада унга етарлича вақт берилмади.

"Аристократ"лар мавсум бошланишида Альваро Моратани сотиб олди ва Мишини Дортмунднинг "Боруссия"сига ижарага бериб юборди. Ҳужумчи ўша ерда Жаҳон чемпионати учун тайёрланмоқда ва тажриба орттирмоқда.

Мората ва Жиру "Челси"нинг ҳужумида ўйнамоқда. Агарда Миши Лондонга қайтадиган бўлса, яна олдинги ҳолатига тушади. Дортмунд жамоаси эса ёзда унинг трансфер ҳуқуқини сотиб олиши керак.

1. ДЭННИ ДРИНКУОТЕР

"Челси" "Лестер"нинг икки ярим ҳимоячисини трансфер қилди: Н`Голо Канте ва Дэнни Дринкуотер. Канте жамоада ўз ўрнини топиб кета олди. Англиялик футболчи эса деярли ўйнамаяпти.

Ярим ҳимоячи ёзда жамоани тарк этиши аниқ бўлиб қолган. Янги клуби эса "Вест Хэм" бўлиши мумкин.

"Челси" эса кейинги мавсум учун Рубен Лофтус-Чик ёки Ван Гинкелни тайёрламоқда. Дринкуотер эса "Челси"дан кетади.

Миржалол Норматов таржимаси