38 ёшли испаниялик мутахассис клубнинг иккинчи жамоаси ҳисобланган “Барса Атлетик”да Жулиано Беллеттининг мураббийлар штабига қўшилди. У бир вақтнинг ўзида УЕФАнинг расмий мураббийлик лицензиясини олиш учун ўқишни давом эттирмоқда.
Эслатиб ўтамиз, Бускетс 2005 йилдан 2023 йилгача “кўк-анорранглилар” тизимида бўлган. У клубнинг асосий жамоаси сафида жами 722 та учрашувда майдонга тушиб, 18 та гол ва 46 та голли узатмага муаллифлик қилган ҳолда жаҳон футболининг ҳақиқий афсонасига айланган ҳамда кўплаб нуфузли совринларни қўлга киритган эди.
