Ражуб мусобақанинг очилиш учрашуви — Мексика ва Жанубий Африка терма жамоалари ўртасидаги баҳсни (2:0) Мексикада бевосита стадиондан томоша қилди. Бироқ шундан кейин у ЖЧ учун аккредитациядан ўтган бўлишига қарамасдан, АҚШ томонидан кириш рухсати берилмаган шахслар қаторига кирди.
"Футбол вакилларининг ўйинларни кузатиш ҳуқуқидан маҳрум қилинишини адолатсизлик деб ҳисоблайман", - деди Ражуб "Associated Press" агентлигига берган интервьюсида.
Фаластин терма жамоаси Жаҳон чемпионатига йўлланма олмаган бўлса-да, ФИФА анъанасига кўра мусобақага дунёнинг турли мамлакатлари футбол ассоциациялари раҳбарларини таклиф қилади.
Шу тариқа, Фаластин футболи раҳбари турнирда иштирок этиш учун расмий аккредитацияга эга бўлганига қарамасдан, АҚШ визасини ололмагани сабабли чемпионатнинг Америкада ўтадиган қисмида қатнашиш имкониятидан маҳрум бўлди.
