Болалар доим эътиборда. Давом этамиз

Болалар доим эътиборда шиори остида кичик фестивал ташкил қилинади. 9 июль куни Тошкент вилояти ҳудудида жойлашган "Маржон" оромгоҳида "Спорт куни" ўтказилади. Оромгоҳда ҳордиқ чиқараётган қорақалпоғистонлик ҳамда хоразмлик кам таъминланган оилаларнинг фарзандлари шу куни спортнинг турли турларидан, хусусан футболдан ҳам завқ олишлари мумкин бўлади. Ассоциациямиз худди шу куни болалар учун футбол фестивали - байрам ташкил қилиб беришни режалаштирган. Барча ғолиб ҳисобланадиган фестивал оромгоҳда ҳордиқ чиқараётган болалар учун бутун умр ёдда қоладиган байрам сифатида ўтишига ишонамиз.