"Манчестер Юнайтед" клуби собиқ футболчиси Димитар Бербатов Криштиану Роналду ҳақида гапириб ўтди.
"Роналду тўхташни истаган пайт тўхтайди. Уяна 2-3 йил ўйнаб бера олади. Роналду ҳали ҳам кучли.
Одамлар у ўйнаётган лига АПЛдан секинроқ дейишлари мумкин, аммо бу аҳамиятсиз. У ҳали ҳам кучли эканлигини исботламоқда. Айниқса, охирги пайтларда. Португалия учун голлар киритиб, ўз ўйинини кўрсатмоқда.
Келинглар, уни шунчаки тинч қўямиз. Ишонаманки, у яқин орада бизни қандайдир янги қарор билан хайрон қолдиради. Ҳозирда Роналду ўйнашда давом этмоқда. Биз эса у тўхташга қарор қилмагунча, Роналдунинг ўйинидан баҳра олишда давом этишимиз керак", -дейди Бербатов.
