"Адашмасам, 2022 ёки 2023 йилнинг бошлари эди. "Навбаҳор"нинг U-19 жамоасига кўрикка борганимда, мени қабул қилишмаган.
У ерда 2005 йилда туғилганлар, яъни ўзимдан икки ёш катта йигитлар билан бирга майдонга чиққан эдим. Ёшроқ бўлсам-да, Наманганда ўйнашни жуда хоҳлаганман. Мураббийлар менга: "Йўқ, яна бир йил ҳаракат қилиб тур, қишда таклиф қиламиз", – дейишди. Анча вақт тушкунликка тушдим. Ўша ўйинда чап қанот ҳимоясида боримни бериб, яхши ўйнаган эдим. Кичкиналигим учун ишонишмай, жамоага олишмади, деб ўйлаганман".
Кейинчалик "Одил Жуниор"дан таклиф тушди. Зайниддин Тожиев ва Жаҳонгир Усмоновларни олдиндан танирдим, терма жамоа йиғинларида мураббийим бўлишган. Одил Аҳмедов ҳам таклиф қилдилар. Мен буни ўзим учун афзал билиб, Тошкентга – "Одил Жуниор"га келдим. У ерда Зайниддин Тожиев, Жаҳонгир Усмонов, Қаҳрамон Маҳаммаджонов қўл остида машғулотлар ўтказдим", деди Каримов.
Эслатиб ўтамиз, Беҳруз Каримов Наманганда таваллуд топган ва бошланғич сабоқларни ўша ерда ўзлаштирган.
Тўлиқ интервьюни YouTube саҳифамизда томоша қилинг:
