Бу сафар «Бенфика» устози Рожер Шмидт немис жамоасининг таклифини қабул қилмади. Bild журналисти Кристиан Фалкнинг ёзишича, мюнхенликлар Томас Тухелни қолдиришга кўндира олмаганидан сўнг Рожер Шмидтга мурожаат қилган. Бироқ 57 ёшли мутахассис Германияга қайтиш нияти йўқ эканлигини маълум қилган.
Аввалроқ, Рожердан ташқари Юлиан Нагельсманн, Хаби Алонсо, Ральф Рангник, Оливер Гласнер каби мураббийлар «Бавария»нинг таклифига рози бўлмаганди.
