Азар - "Барселона"нинг ёздаги асосий трансфер мақсади

Маълумотларга кўра, бельгиялик Каталония клубининг ёздаги асосий трансфер мақсадига айланди. Кўк-анорранглилар "Атлетико"дан Антуан Гризманни харид қила олмаганидан сўнг, бор эътиборни Азарга қаратишди. "Барселона" хавбекнинг трансферига позитив қарайди, чунки раҳбариятнинг фикрича, футболчининг молиявий шартларини қабул қилса бўлади. Азарнинг ўзи "Челси"дан кетиш ниятида.

Ушбу трансферда "Челси" муаммо келтириб чиқариши мумкин. Лондонликлар футболчи билан хайрлашмоқчи эмас. Бельгиялик учун яна бир даъвогар "Реал". "Қаймоқранглилар" айни дамда ПСЖдан Неймар ёки Килиан Мбаппени харид қилиш устида ишлашмоқда.