UZ

Сўнгги янгиликлар

08:11“Реал” “Аякс”нинг уч футболчисини кузатмоқда   0 07:51“Интер”га Виктор Мозес керак   0 07:32Бундеслига. “Шальке-04” Мюнхенгладбахнинг “Боруссия”сини таслим қилди   0 07:14Ла Лига. “Хетафе” ғалаба қозониб, мусобақа жадвалида 5-ўринга кўтарилди   0 07:00Португалия чемпионати. “Порту” ўз уйида “Брага”га ютқазди, “Бенфика” эса сафарда “Спортинг”ни мағлуб этди  0 01:44Хави ва “Ал Садд” Қатар кубоги соҳиби, финалда Манжукич жамоаси таслим этилди  5 01:24Срна Манчестерда малака оширди  0 00:57Кике Сетьен: “Месси мураббийларни энг яхшига айлантира олади”  10 00:36Эшли Янг – “Интер” футболчиси  9 23:52Гвардиола: “Вақтлари бўлганида улар бирга тушлик қилишади”  6 23:05Расман: Дердийок эркин агент сифатида “Пахтакор” билан 2 йиллик шартнома имзолади  59 22:56Салоҳ: “МЮ менга қарши бошқачароқ ўйнайди”  50 22:28МЮ ва “Спортинг” Фернандешнинг трансфери борасида келишиб олишди  3 21:58Моуриньюга "Сити" ҳимоячиси керак  3 21:42Жан "Ювентус" раҳбарияти билан учрашиб олмоқчи  6

Азамат Абдураимов: "Тожикистон ўсмирлар терма жамоаси сафида ёши катта футболчилар кўплиги билиниб турибди" Янгиликлар

Азамат Абдураимов: "Тожикистон ўсмирлар терма жамоаси сафида ёши катта футболчилар кўплиги билиниб турибди"

Куни кеча Ўзбекистон ўсмирлар терма жамоаси Тожикистонда иккита ўртоқлик учрашуви ўтказди.

Илк баҳсда вакилларимиз 0:4 ҳисобида мағлуб бўлишди. Иккинчи учрашувда эса Ўзбекистон 2:1 ҳисобида ғалаба қозонди. Ушбу ўйинлар ҳақида Азамат Абдураимов ўз фикрларини билдирди.

"Тожикистон ўсмирлари яхши жамоа. Ўтган йилга таққослаганда кўплаб ёши катта футболчиларни қўшиб олишган экан. Уларнинг ёши катта эканлиги кўриниб турибди. Аммо иккинчи ўйинда иккинчи таймда 10 футболчи бўлиб ўйнаганимизга қарамай биз уларни мағлуб эта олдик. Барибир бизнинг йигитлар кучлироқ.

Биринчи ўйиндаги мағлубиятнинг сабаби: Биз йиғин ўтказаётгандик, футболчиларга юкламалар берилганди, оёқлари ўзларига бўйсунмади. Бу йил ҳисобидаги илк халқаро ўйинимиз эди. Бизга тажриба тўплаш учун кўпроқ ўйинлар зарур. Аммо олдинги раҳбарият биронта турнир, биронта ўйин ташкил этиб бермади. Фақат чиройли гаплар бўлганди холос.

Яна бир сабаб: Бу йиғинга беш нафар асосий футболчини олиб кетмадик. Уларнинг ўрнига олиб кетилган футболчиларни синаб кўришни истадик, аммо ҳали тайёр эмасликлари кўриниб қлоди. Буларнинг барчаси ҳозир ўртоқлик ўйинларида кўрингани яхши.



Агар биз ҳам ҳар ойда йиғинлар ва халқаро ўйинлар ўтказганимизда, терма жамоанинг асосини аниқлаб олган бўлардик. Бизнинг муаммомиз: Ўз ёғимизда қовурилиб ётибмиз. Тошкент шаҳар чемпионатида "Пахтакор" барчани мағлуб этмоқда, кураш битта-иккита ўйинда бўлади. Улар бунда шиддатга тайёр эмаслар.

Шу боис имкон қадар кўпроқ ўйин ўтказиш керак ва мағлуб бўлишдан қўрқмаслик керак. Салбий натижа хотиржамликдан кўра кўпроқ фойда келтиради.

Кейинги ўйинда асосий таркибни туширдик ва улар характер кўрсатдик. Мағлуб бўлаётгандик ва ҳисобни тенглаштирдик. Камчиликда ғалаба қозониб кетдик. Бутун иккинчи таймда курашдик. Кийим алмаштириш хонасида қандай хурсандчилик бўлганини тасаввур қила олмайсиз! Коллектив мана шундай тузилади.

Равшан Эрматов ва янги раҳбарият иш кунининг илк кунида бизнинг мураббийлар штабимизни қабул қилишди, муаммоларимизни ҳал қилишди. Саралаш босқичига қадар режаларни тузиб олдик. Уларга раҳмат айтаман. Футбол кишилари билан гаплашиш осон ва оддий. Улар футболни ичидан билишади ва бизга энди ҳақиқатдан ҳам бизга эътибор қаратишганини ҳис қилдим", - дейди Азамат Абдураимов. 

Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг