Bu turnirda oltita jamoa ishtirok etadi. Bular - Rossiya, Germaniya, Italiya, Portugaliya, Qozog'iston va jahon futboli yulduzlar termasi. Hamyurtimiz Azamat Abduraimov ham turnirda ishtirok etish bo'yicha taklif olgan va u jahon termasi safida maydonga tushadi.
Abduraimov jahon termasida Gaiska Mendeta, Ernan Krespo kabi sobiq yulduzlar bilan birga o'ynaydi. Bundan tashqari, Muhsin Muhammadiev, Aleksandr Shovkovskiy, Jan-Per Papen, Yari Litmanen, Vinsen Kandela va boshqa sobiq futbolchilar ham musobaqaga taklif etilgan.
EKSPO-2017 faxriylar turniri Moskvadagi "Afsonalar Kubogi" tomonidan tashkil etiladi.
