Аршавин: “Ўзил ўйинни секинлаштиради, уни “Арсенал” келажагида кўрмаяпман”

“Албатта, Ўзилни жуда ҳурмат қиламан. У жаҳон даражасидаги футболчи. Бироқ, шахсий фикрим, у ўйинни секинлаштиради. Мен бошқа футболчини афзал кўрардим.

Артета эса бошқача фикрлайди ва Ўзилни тез-тез майдонга туширади. Ҳа, унинг ўйини “Арсенал”да яхшиланди, лекин келажакда уни жамоада кўрмаяпман.

У дарвозага кам зарба йўллайди. У пас бериш учун вазият қидиради, бу эса рақиб ҳимоячиларининг вазифасини осонлаштиради”, дейди россиялик собиқ футболчи.

Месут жорий мавсум АПЛда 18 ўйин ўтказиб, 1+2 натижага эришди.