Лондон клуби вингерга қизиқиш билдираётганига қарамай, у "канонирлар" учун устувор вариант эмас. Аммо, 10 кунча аввал "Арсенал" спорт директори Андреа Берта Леау билан телефон орқали мулоқот қилган.
Леау жорий мавсум барча мусобақаларда 50 та ўйинда майдонга тушиб, 12 та гол ва 13 та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 75 млн еврони ташкил этади.
