"Натижа кутганимиздан ҳам яхши бўлди. "Бернабеу"да футболчилар ўйиндан завқ олганидан хурсандман — улар сўнгги даврдаги синовлардан кейин бундай кечани муносиб равишда қўлга киритишди. Ташқаридан жамоамизнинг кучига нисбатан шубҳалар ҳам эшитилди. Аммо биз — "Реал"миз ва бизни ҳеч қачон камситиш мумкин эмас.
Биз "Сити"нинг ўйин услубини ва Гвардиола тактикасини яхши биламиз, у нимага интилишини тушунамиз. Биз улар учун майдонни чекладик ва асосий пас йўлларини ёпдик. Рақиблар сизни олдинга чиқишга мажбур қилиб, кейин қарши ҳужум уюштиришга ҳаракат қилади. Бироқ сабр билан ҳаракат қилиб, уларнинг ҳимояси ортига ҳужумлар ташкил этдик ва хавфли вазиятлар ярата олдик.
Мен учун Вальверде — замонавий Хуанито. У "Реал" футболчиси қандай ўйнаши кераклигининг ёрқин намунаси", — деди Арбелоа.
Маълумот учун, жамоалар ўртасидаги жавоб учрашуви 17 март куни Манчестердаги "Этихад" стадионида бўлиб ўтади.
