АПЛда илк бор 2 жамоа бош мураббийлари ўйиндан кейинги матбуот анжуманида бир вақтда иштирок этишди

Турнир жадвалида иккинчи поғонада бораётган "Манчестер Юнайтед" жамоаси ўз майдонида "Суонси"ни қабул қилди ва 2:0 ҳисобида ғалаба қозонди.

Ҳар икки жамоанинг бош мураббийлари португалиялик мутахассислар бўлгани сабаб улар ўйин давомида ўзаро дўстона муносабатда бўлишди. Учрашувдан кейинги матбуот анжуманида Жозе Моуриньо иштирок этаётган бир паллада хонага "Суонси" устози Карлуш Карвальҳал кириб келди. Моуриньо эса ватандошини ёнига чорлади. Бу ҳолатга журналистлар ҳайрон бўлишди. Мураббийлар эса табассум қилиб қўйишди ва саволларга бирга ўтирган ҳолда жавоб қайтаришди.

"Матбуот анжуманида ҳар икки мураббийнинг бир вақтда иштирок этиши. Бу АПЛда менинг хотирамда илк маротаба", - деб ёзди ўша ерда бўлган журналистлардан бири ижтимоий тармоқлардаги саҳифасига.

"Суонси" устози: "Моуриньо - португал футболи қироли"