Анри Франция терма жамоаси ҳақида: "Янги мураббий ким бўлишини барчамиз биламиз"
10 сен 2025 21:44
Янгиликлар

Анри Франция терма жамоаси ҳақида: "Янги мураббий ким бўлишини барчамиз биламиз"

Терри Анри Дидье Дешамнинг Франция терма жамоасидаги вориси аллақачон белгиланганини маълум қилди.

Бош мураббий 2026 йилги жаҳон чемпионатидан сўнг миллий жамоани тарк этишини аввалроқ айтган эди. Унинг ўрнини Зинедин Зидан эгаллаши кутилмоқда.

Анридан ушбу лавозимга даъвогарлик қилиш истаги бор-йўқлиги сўралди. Жавобида Франция терма жамоасининг собиқ ҳужумчиси Зиданнинг исмини тўғридан-тўғри айтмаган ҳолда, унга ишора қилди.

"Нима деб жавоб беришни билмайман.
Янги мураббий ким бўлишини барчамиз биламиз. Буни сиз ҳам, мен ҳам биламан.
Мен унга энг яхши тилакларимни изҳор этаман," - деди Анри CBS телеканалига.

Ҳавола :

Манба : CBS

Янгиликларни Телеграмда ўқинг!

Рейтинг: +4