28 ёшли вингер 2024 йилдан бери мерсисайдликлар шарафини ҳимоя қилиб келмоқда. Ушбу давр мобайнида у АПЛда 32 та ўйинда майдонга тушиб, 2 та гол урди ва 1 та голли узатмага муаллифлик қилди.
“Ҳозир “Ливерпул”да бахтлиман. Клубни, мухлисларни яхши кўраман — бу ерда менга мутлақо ҳамма нарса ёқади. Фурсатга эга бўлиш учун қўлимдан келган барча ишни қиляпман, буёғини эса вақт кўрсатади. Айни дамда хаёлим фақат “Ливерпуль” билан банд.
Янги мураббий [Андони Ираола] қўл остидаги янги саҳифа? Билмадим, бир нима дейиш қийин. Ҳар бир мавсум бошланиши — бу ҳамиша янги дебоча. Эҳтимол, менда бундай бошланишлар жуда кўп бўлиб кетгандир. Аммо бунинг аҳамияти йўқ: янги мураббий қўл остида бор маҳоратимни кўрсатишга ҳаракат қиляпман. Ўтган мавсумда Арне Слот қўл остида ҳам бор кучим билан ҳаракат қилгандим.
Ўтган мавсумда ҳам жамоада анча салмоқли ролга тайёрлигимни ҳис қилгандим, лекин мени майдонга тушириш ёки туширмаслик қарорини мураббий қабул қиларди. Албатта, кўпроқ ўйнашни хоҳлагандим, аммо ҳаммаси шундай тус олди.
Мураббийнинг ўз ўйин режалари бор эди, у қарорларни ўзи қабул қиларди ва бу бўйича эътироз билдира олмайман. Бу — футбол. Келинг, шундай дейлик: бу йил янги саҳифа очилмоқда. Бизда янги мураббий бор ва диққатимни у билан ишлашга қаратишим керак”, – деди Кьеза.
