- Ўйин ҳақида фикрингиз?
- Йигитларга охиригача тушунтира олмадим. Тушунтиришга ҳаракат қилдим , бироқ мени эшитишмади. Биз фақат иккинчи голдан кейин уйғондик.
- Бугун айниқса биринчи таймда рақиб ўйинчилари Нимелига умуман имкон беришмади. Шу сабабли ҳам ўйин чиқмади деб ҳисоблайсизми?
- Мен бу ўринда фамилиялар ҳақида гапирмоқчи эмасман. Мен шунчаки футболчилардан иккинчи зонада жипс ҳаракат қилишни сўрагандим. Рақиб иккинчи ҳудудни тезкорлик билан босиб ўтди. Кубокдаги рақибимиз "Ғазалкент" эканлигини билганимда бу жамоанинг бешта ўйинини кўриб чиқдим. Ва шунга қараб ҳозирлик кўрдик. Орада чемпионат учрашувларини ўтказдик.
"Ғазалкент"нинг кучли ва кучсиз томонларини билардик. "Андижон" билан баҳсдан сўнг бу ўйинга тайёргарлик кўрдик. Афсус, иккинчи зонада ўйинчиларимиз жипс ҳаракат қила олишмади. Биринчи голда ухлаб қолдик. Йигитларни уйғота олмаган бўлсак, айб менда деб ўйлайман. Ҳакамлик ҳақида гапирмоқчи эмасман, бугун айрим жиҳатларни тушунмадим. Биз жисмоний томондан кучсиз эмасдик, ўзимизнинг хатолар сабаб мағлуб бўлдик.
- Бугун нима учун тактик схемани ўзгартирдингиз?
- Уйдаги ўйиндан сўнг уч нафар футболчимизни йўқотдик. Биз учун ҳар бир футболчининг ўз ўрни бор. Гадоев жароҳат олди. Бир нафар марказий ҳимоячимиз ҳам сафдан чиққан. Мавжуд таркибдан келиб чиқиб схема туздик.
