UZ

Сўнгги янгиликлар

01:35ЕЧЛ. "Аталанта" – "Реал Мадрид" 0:0 (Матнли трансляция)   112 01:10"Челси" ёзда Холандни қўлга киритишга ишонмоқда  4 00:56Ла Лига. "Барселона" "Камп Ноу"да йирик ғалабага эришди, Мессидан дубль  8 00:52Мираброр Усмонов хотираси учун ўтказилган баҳсдан ФОТОГАЛЕРЕЯ  1 00:20Пасторе "Рома"дан кетади  2 00:08ЕЧЛ. "Боруссия М" – "Ман Сити". Таркиблар маълум!   6 00:04"Кичкина камера". Футбол vs Футзал   2 00:03Olamsport: Истомин Қозоғистонда иккинчи давра ўйинини ўтказди, Бобоусмон Батуровнинг иккинчи жанги ва бошқа хабарлар  0 23:52ЕЧЛ. "Аталанта" – "Реал Мадрид": Асенсио ва Винисиус бошланғич таркибда!   22 23:48ЕЛ. "Тоттенхэм" "Вольфсберг" дарвозасига жавобсиз 4 та гол урди, Винисиусдан дубль   5 23:29Мираброр Усмонов хотираси учун баҳс. Ўзбекистон футбол МТЖ - Ўзбекистон футзал МТЖ 0:4.   4 23:24Чалханоглу "Милан"да қолади(ми)?   2 23:07Баҳодир Жалолов Болгарияда жанг қилди  2 23:05"Лестер" Лингардни кузатмоқда  1 22:43АПЛ. 25-тур рамзий терма жамоаси (SofaScore)   3

Андрей Шипилов: "Шаҳзод Убайдуллаевнинг "Шахтёр"да 20 кишилик рўйхатни тўлдириб ўтириши эмас, ўйнаб кетиши муҳим" Янгиликлар

Андрей Шипилов: "Шаҳзод Убайдуллаевнинг "Шахтёр"да 20 кишилик рўйхатни тўлдириб ўтириши эмас, ўйнаб кетиши муҳим"

Бекободнинг "Металлург" жамоаси Тошкентда янги мавсумга кўтаринки кайфиятда тайёргарликни давом эттирмоқда.

Жамоа кеча йиғин доирасидаги бешинчи назорат учрашувида майдонга тушди ва "Турон"га кичик 0:1 ҳисобида имкониятни бой берди. Ушбу баҳсдан сўнг "Металлург" бош мураббийи Андрей Шипиловга бир нечта саволлар билан юзландик.

- Аввало ҳозирда Тошкентда олиб борилаётган ўқув-машғулот йиғини қандай ўтаётгани ҳақида маълумот бериб ўтсангиз...

- 11 январь санасидан эътиборан Тошкентда йиғинни олиб боряпмиз. Шу кунга қадар бешта назорат баҳсларида иштирок этдик. Янги келган футболчилар ҳақида айтадиган бўлсам, Иван Нагаев, Шаҳзод Нурматов, Евгений Макеев, Никита Павленко сингари ижрочиларни сафимизга қўшиб олдик. Ишлашда давом этмоқдамиз. Туркияда ўқув-машғулот йиғинини ўтказишни имкони бўлмади. Бунинг ҳавотирли жойи йўқ. Ҳаёт давом этади, қатъий режа асосида тайёргарлик кўряпмиз. Тошкентда ҳаво жуда ажойиб, бемалол назорат ўйинлари ташкил қилинмоқда. Йиғиннинг энг қизғин палласидамиз. Мавжуд шароит ва имкониятга қараб ишлаяпмиз. Муҳими жамоанинг кайфияти яхши. Шукурки сафимизда жиддий жароҳатланганлар йўқ. Бу ҳозирги кунда муҳим саналади. Суперлига 9 март куни старт олади. Бунгача эса яна 1-2 ҳафта Тошкентда шуғулланамиз. Чемпионат бошида ажойиб ҳолатда бўлишимизга умид қиламан. 

- Саволим "Спартак"даги ўйинлари билан мухлисларга яхши танилган Евгений Макеев ҳақида. Уни жамоага келиши қай тариқа юз берди?

- Макеевни ўтган мавсумдаёқ жамоага таклиф қилмоқчи эдик. Лекин, бунга улгурмадик. У ўзидан яхши таассурот қолдирмоқда. Оғир-вазмин инсон, дея оламан. Жамоадаги ёш футболчиларга ўрнак бўла оляпти. Чемпионатимизга шундай легионерлар келиши керак. 

- Шаҳзод Убайдуллаевнинг "Шахтёр" (Солигорск) жамоасига ўтишига бош мураббий сифатида муносабатингиз қандай? 

- Бу ҳақида аввал ҳам айтганман. Бизда тартиб-қоида шундай, футболчининг ривожланиши учун тўсқинлик қилмаймиз. Футболчиларимизга муносиб таклифлар бўлса қараб чиқамиз. Яна қайтараман, футболчининг ривожланишига қаршилигимиз йўқ. Шаҳзод Убайдуллаевнинг салоҳияти ва имкониятидан келиб чиқиб Беларусь чемпионати яна олдинга интилиши учун трамплин, деб айта оламан. Масалан, Жасур Яхшибоев ўзини кўрсатди ва "Легия"га йўл олди. Футболчи жамоамиздан кетган тақдирда янги жамоасида ўз ўрнини топиб кета олиши лозим. Захирада 20 кишилик рўйхатни тўлдириб ўтириши эмас, ўйнаб кетиши муҳим. Ким учундир бу омиллар қизиқ бўлмаслиги мумкин. 

- "Металлург"нинг олдига бу йил қандай мақсад қўйилган? Жамоа аввалги йилларда 5 ва 6-ўринларни эгаллади. Балки, совринли ўринлар учун курашиш пайти келгандир?

- Медаллар учун курашишимиз ҳақида бирор нарса дея олмайман. Биласиз, ҳозирда кўп нарса молиявий ҳолатга боғлиқ. Бизда бюджетимиз ўртача. Ҳар қандай ҳолатда ҳам кучли бешликка киришга ҳаракат қиламиз. Аввалги йилларда 3 ва 4-ўринни эгаллаган жамоалар билан орамиздаги очко катта фарқ қилмаганди. Қўл остимда олдига мақсад қўйган йигитлар жамланган, ёш иқтидорларга ҳам ишонч билдиряпмиз. 

- Йилдан-йилга жамоада клуб ўринбосарларидан ёш футболчилар етишиб чиқиш билан бир қаторда ва турли ёшдаги терма жамоалардан таклиф олишмоқда. Ушбу мавсумда ҳам шундай ёшларга имконият бериладими?

- Уч йил ичида 11га яқин ёш футболчи асосий таркибга жалб қилинди. Жорий мавсумда ҳам Муҳсин Бозоров, Даврон Анваров, Тўлқин Эргашев каби янги номларни учратишингиз мумкин.

Абдулазиз Искандаров ёзиб олди.

Рейтинг: +9   

Фикрлар

+2   
14 фев 14:08:11
KhaDJii Fc PaxtakoR 2
Gap yo! Gazini bosin! Bazi birlaniki qonab ketadi Metallurgni ewtsa!)
+1   
14 фев 15:38:20
Haqiqat_2
KhaDJii Fc PaxtakoR 2 фойдаланувчининг фикрига жавоб бериш
Gap yo! Gazini bosin! Bazi birlaniki qonab ketadi Metallurgni ewtsa!)
1:2 ўйин охирида 3:2 бўганими айниқса... Машарипов зўр симуляциялари эвазига ўша ўйинда Сергеев пенальтилардан голлар урганди. Ҳалол бўмаган ғалаба таъсиридан ҳамон Жалол бир норм клубга ўтмади, Сергеев ҳамон клубсиз, термада ҳам қовун туширгани туширган. Пахтакор ҳам ЧЛда ы қипқўйвурди ўшандан кейин
+1   
14 фев 15:37:53
Haqiqat_2
KhaDJii Fc PaxtakoR 2 фойдаланувчининг фикрига жавоб бериш
Gap yo! Gazini bosin! Bazi birlaniki qonab ketadi Metallurgni ewtsa!)
2:1 ўйин охирида 3:2 бўганими айниқса... Машарипов зўр симуляциялари эвазига ўша ўйинда Сергеев пенальтилардан голлар урганди. Ҳалол бўмаган ғалаба таъсиридан ҳамон Жалол бир норм клубга ўтмади, Сергеев ҳамон клубсиз, термада ҳам қовун туширгани туширган. Пахтакор ҳам ЧЛда ы қипқўйвурди ўшандан кейин
+1   
14 фев 14:36:16
Sherzodbek 9 & Lewandowski 9
Abdulaziz Iskandarovga katta raxmat.
championat.asia
< сўнгги янгиликларни кўриш
Яндекс.Метрика