Андалусияга қайтиш: Рамос "Севилья" акциядори бўлиши мумкин
02 янв 17:59
Янгиликлар

Андалусияга қайтиш: Рамос "Севилья" акциядори бўлиши мумкин

Мадриднинг "Реал" жамоаси ва Испания термаси собиқ ҳимоячиси Серхио Рамос футболдаги фаолиятида янги саҳифа очиши мумкин — бу сафар майдон ташқарисида.

COPE'нинг хабар беришича, 39 ёшли футболчи Андалусиянинг "Севилья" клуби назорат пакетини сотиб олишни режалаштираётган инвестиция гуруҳи таркибига кирган.

Манба маълумотларига кўра, аввалроқ "Севилья" Америка инвестиция фонди билан музокаралар олиб борган, аммо келишув амалга ошмаган. Ушбу музокаралар муваффақиятсиз якунланганидан сўнг клуб акциялари қиймати пасайган ва айнан шу вазиятдан янги инвесторлар фойдаланган.

Рамос аллақачон амалдаги акциядорларга расмий таклиф йўллаган. Қайд этилишича, айнан унга йирик инвестиция гуруҳи кўмагида клубни сотиб олиш лойиҳасини умумий бошқариш ишониб топширилган. Қолаверса, Рамос томони таклиф қилган сумма шу пайтгача "Севилья"нинг асосий акциядорлари қўлга киритган энг фойдали сумма ҳисобланади.

Шу тариқа, Андалусия футболи тарбияланувчиси ва тарихдаги энг совриндор ҳимоячилардан бири ўз она юртига функционер ва клубнинг қўшма эгаси сифатида қайтиши мумкин. Бу эса "Севилья"нинг келажагига жиддий таъсир кўрсатиши эҳтимолдан холи эмас.

Ҳавола :

Манба : COPE

Янгиликларни Телеграмда ўқинг!

Рейтинг: +1