Адурисдан қайчи услубида гол ўтказиб юборган тер Штеген: "Яхшиям у фаолиятини якунламоқда"
09 окт 2019 18:45
Янгиликлар

Адурисдан қайчи услубида гол ўтказиб юборган тер Штеген: "Яхшиям у фаолиятини якунламоқда"

"Барселона" дарвозабони Марк-Андре тер Штеген "Атлетик" ҳужумчиси Ариц Адурисга қарши ўйнашни ёқтирмаслигини айтди.

- Мен учун энг ноқулай ҳужумчилардан бири Ариц Адурисдир, у менга мунтазам равишда гол уриб келади.

Яхшиямки у фаолиятини якунламоқда ва энди менга осонроқ бўлар... Мен у билан Испания чемпионатида яна битта ўйин ўтказаман, умид қиламанки у гол ура олмайди, - дейди 27 ёшли тер Штеген.

Эслатиб ўтамиз, Ла Лига 1-тур доирасидаги "Атлетик" - "Барселона" (1:0) ўйинининг 89-дақиқасидаги Ариц Адурис тер Штеген дарвозасини ишғол қилган эди.

Адурис мавсум сўнггида фаолиятини якунлашини эълон қилган эди.