"Клубимизнинг янги таркиби ва техник тузилмасига раҳбарликни ўз зиммасига оладиган Зейнеп Местанга қизил-қора эмблема остида муваффақиятлар тилаймиз", — дейилади клуб баёнотида.
22 ёшли Местан "Тургутлуспор" тарихида ушбу лавозимни эгаллаган илк аёл бўлди. Клуб президенти Йилмаз Генчтюрк Местаннинг лойиҳаси ўрганиб чиқилгач ва мураббийлар штаби билан маслаҳатлашувлардан сўнг танланганини маълум қилди.
Местан 2004 йил 30 июлда Измирда туғилган. У футболчилик фаолиятини 2019 йилда бошлаган ва "Каршияка", "Беледиеспор", "Борнова Хитаб Спор" ва бошқа жамоаларда ўйнаган. У спорт факультетига ўқишга кириш ва мураббийликни ўз асосий мақсадига айлантиришни истагани сабабли футболчилик фаолиятини эрта якунлаган.
Местан, шунингдек, Европадан асосан Пеп Гвардиолага, Туркияда эса Серген Ялчинга ҳавас қилишини айтди. Мураббий, шунингдек, "Тургутлуспор"ни беш йил ичида Туркия биринчи лигасига олиб чиқишни ўз олдига узоқ муддатли мақсад қилиб қўйди. Ҳозирда клуб ҳаваскорлар даражасида иштирок этмоқда.