Вьетнам U-20 устози: "Иккинчи учрашувда ҳам ғалаба қозонсак, плей-офф босқичини нақд қилиб қўямиз"
02 мар 2023 19:20
Новости

Вьетнам U-20 устози: "Иккинчи учрашувда ҳам ғалаба қозонсак, плей-офф босқичини нақд қилиб қўямиз"

Вьетнам U-20 терма жамоаси бош мураббийи Хоанг Ан Туан Австралия U-20 билан учрашувдан сўнг (1:0) фикрларини билдирди.

"Барча ўйинчиларни табриклаймиз. Биз ўзимиз хоҳлаган натижага эришдик ва улар ажойиб ўйин кўрсатишди. Австралия терма жамоасини ўрганиб чиққан эдик ва бу бизга фойда келтирди. Биз уларнинг кучли ва заиф томонларини ўргандик ва бу бизга шунга яраша режа тузиш имконини берди.

Эрта урилган гол ҳам катта устунлик берди ва хотиржам ўйнай бошладик. Кейинги учрашувларда ҳам ғалаба қозонишга харакат қиламиз. Жамоа бугун меҳнат қилди ва ғалабага лойиқ эди. Кейинги баҳс Эронга қарши, эронликлар кучли таркибга эга ва уларга қарши баҳс осон бўлмайди, лекин бизнинг мақсадимиз ғалаба қозониш.

Агар иккинчи учрашувда ҳам ғалаба қозонсак, плей-офф босқичини нақд қилиб қўямиз. Эронга қарши учрашувда кўпроқ тажовузкор ўйнашимиз керак, чунки Эрон курашувчан жамоа", – деди вьетнамликлар устози.

Ссылка :

Источник : championat.asia

Получайте новости прямо в Telegram!

Рейтинг: +1