Сауль: "Реал"нинг мухлислари йўқ. Стадионга борсангиз, ҳеч нарсани ҳис қилмайсиз"

"Атлетико Мадрид"нинг собиқ футболчиси, ҳозирда "Фламенго" сафида тўп сураётган Саул Ньигес Бразилия клубининг қўллаб-қувватланиш даражаси ҳақидаги саволга жавоб берар экан, уни "Реал Мадрид" мухлислари билан таққослади.

"Фламенго" "Реал Мадрид"га ўхшаб кетадими?

- Клуб "Реал Мадрид"дан ҳам каттароқ. Аслида "Реал"нинг ҳақиқий мухлислари йўқ. Улар ғалабалари туфайли машҳур, ҳа, бутун дунёга танилган, шунинг учун мухлислари бор. Аммо стадионга борсангиз, ҳеч нарсани ҳис қилмайсиз. Бошқа томондан, "Маракана"га, афсонавий стадионга борсангиз, у доимо тўла бўлади. Сафарда ҳам стадион "Фламенго" мухлислари билан лиқ тўла. Яқинда "Спорт ресифе"га қарши ўйнадик ва бизни бошқа стадионга жўнатишди,  акс ҳолда мухлисларимиз ўйинга кира олмасди. Ахир парвоз уч ярим соат давом этади. Лимага етиб борсангиз, мухлисларимиз стадионни юз фоиз тўлдиради. Кейин эса "Палмейрас" стадиони тўлмай қолганини кўрасиз... Шунда: "Мана булар чинакам ажойиб мухлислар," деб ўйлайсиз," - дея Саулнинг сўзларини келтиради АS нашри.