Расман: Мусса Диаби – "Ал Иттиҳод" футболчиси
25 июл 2024 11:49
Новости

Расман: Мусса Диаби – "Ал Иттиҳод" футболчиси

Француз Англиядаги бир мавсумидан сўнг Яқин Шарққа кўчиб ўтди.

25 ёшли Мусса Диаби билан боғлиқ трансфер достони ниҳоясига етди. Transfermarkt хабарига кўра, франциялик футболчи "Астон Вилла"дан Саудия Арабистонининг "Ал Иттиҳод" клубига 60 млн евро эвазига ўтган. Футболчининг янги клуби билан шартномаси 5 йилга мўлжалланган.

"Вилланлар, ҳаммаси учун раҳмат. Хайрлашиш вақти келди. Мен ҳар доим клубга ва жамоага ёрдам бериш учун қўлимдан келганини қилдим. Хотирамда қоладиган ажойиб лаҳзалар кузатилди. Биз қувонч ва бахтга тўла фантастик мавсум ўтказдик", – деди Диаби ижтимоий тармоқларда.

Эслатиб ўтамиз, франциялик вингер ўтган мавсум 54 ўйинда 10 та гол ва 9 та голли узатмага муаллифлик қилди.

Ссылка :

Источник : ittihadclub.sa

Получайте новости прямо в Telegram!

Рейтинг: +3