Марлон: "Финал баҳси фаолиятимдаги энг муҳим учрашув бўлади"

"Барча табриклар учун миннатдорчилик билдираман. Менинг фикримча, бугун жуда қийин баҳс бўлди. Украина анча жиддий қаршилик кўрсата олди, аммо шунга қарамай биз ўйинга қайта олдик ва "камбэк" амалга оширдик. Ўйин давомида ўзимизнинг кучли жиҳатларимизни ишга солишимиз керак бўлди. Жамоа ўзининг тўлиқ салоҳиятини кўрсата олмаган бўлса ҳам, бугунги ўйинимиз финал йўлланмасини қўлга киритиш учун етарли бўлди. Биз кейинги босқичга ўтганимиздан хурсандмиз. Украина терма жамоаси кучли жамоа эканлигини исботлади. Биз бугун уларга қарши анча қийналдик. Кейинги баҳс бизнинг ҳаётимиздаги энг муҳим учрашув бўлади. Қаршимизда иккита кучли терма жамоа бор. Аргентина билан битта қитъадан жой олганмиз ва улар қанчалик кучли эканлигини биламиз. Франция эса жуда барқарор ва ишончли ўйин намойиш этиб келмоқда. Биз финалга тайёрмиз", - дея фикр билдирди Марлон.

Эслатиб ўтамиз, Бразилия финалда Аргентина — Франция жуфтлиги ғолиби билан тўқнаш келади.

Абдулвосит Бектемиров суҳбатлашди