Zinedin Zidan: "Beyl ajoyib o'yinchi, shu sababli ham "Real" uni tanlagan"

Etiboringizga ushbu afsonaviy francuzning qiziqarli intervyusini taqdim etamiz.

Garet Beyl haqida fikringiz qanday?
U jamoaga tezda kirishib ketdi, hamma uni yaxshi qabul qildi. Uning jismoniy ko'rsatkichi yaxshi emasdi, shu sababli ham unga boshida qiyin bo'ldi. Xozir esa u mashg'ulotlarni boshladi va tez orada o'yinga tayyor bo'ladi.

Uning bahosi o'z darajasiga to'g'ri keladimi?
Bunday bozorda shu narxda sotishni va olishni xohlaydigan jamoalar bor. Beyl ajoyib o'yinchi, jamoaga ko'p foyda keltiradi, shu sababli ham biz uni tanladik.

Nima deb o'ylaysiz Benzema nega gol urolmayapti?
Qachonki o'yinchida "qora chiziqlar" bo'lsa unga qiyin bo'ladi. Balkim u o'ziga bo'lgan ishonchni va sovuqqonlikni yo'qotgandir, lekin istedodini hech qachon yo'qotmaydi. Undan gollar talab qilishmoqda, u xozir gol urmayapti va shuning uchun ham uni tanqid qilishyapti, lekin Karimga va uning bajarayotgan vazifasiga shubhalanish kerakmas. SHunda Benzema hech qachon taslim bo'lmaydi.

Kelajakda bosh murabbiy bo'lishni rejalashtiryapsizmi?
Men Franciya termasining murabbiyi bo'lishni orzu qilaman, lekin bu kelajakda. Men har doim sabrli bo'lganman va Karlo bilan ishlashda ko'p narsa o'rganishim kerak, bu esa kelajakda bosh murabbiy bo'lishim va mening maqsadim uchun imkoniyatdir.

Real Madrid mavsumni sust boshlaganini qanday baholaysiz?
Natijalar oldingizda. O'ylashimcha ular sizni qoniqtiradi, lekin bizda o'sish bor.

Iskoni siz bilan solishtirishlariga nima deysiz?
Isko bilan solishtirishlar bo'ldi, lekin oldinlari men endi o'ynashni boshlaganimda meni ham solishtirishardi. Odamlar meni bitta chiziqda o'ynaganligimiz uchun ham, "Yuventus"da o'ynaganligimiz uchun ham Platini bilan solishtirishgan.

Jamodagi eng yaxshi do'stingiz kim edi?
Ronaldo. Unda ajoyib istedod bor edi.


Javlonbek Yusupov tarjimasi