JCH-2014. Luis Suares Angliyani mag'lub etdi

Birinchi bo'limda ikkala jamoada gol urish uchun imkoniyatlar bo'ldi. Luis Suaresning burchakdan to'g'ri darvozaga yo'llagan zarbasini Xart Qaytardi. 9-daqiqada Runi kuchli zarba bilan hisobni ochishga yaqin kelgandi, to'p darvoza to'sini ustidan o'tib ketdi.

30-daqiqada Runi boshi bilan 2 metr masofadan to'pni darvoza to'siniga yo'lladi.

38-daqiqada o'yindagi ilk gol urildi. Edinson Kavani tomonidan oshirilgan nozik pasni Suares boshi bilan darvozaga joylab qo'ydi - 1:0. 



50-daqiqada Kavani birga bir vaziyatga chiqib bordi va darvozaga zarba berdi, to'p noaniq ketdi.

53-daqiqada Runi 9 metrlardan darvozaga zarba berdi, Muslera to'pni qaytardi.

75-daqiqada Ueyn Runi Jahon chempionatlaridagi o'zining ilk golini urishga muvaffaq bo'ldi. Glen Jonson o'ng qanotdan to'pni jarima maydoniga oshirdi, Ueyn Runi darvozabon qarshisida qolib darvozaga gol urdi va kaminani muzqaymoqqa tushirdi - 1:1.



85-daqiqada Muslera to'pni oldinga tepib berdi, to'p raqib jarima maydoni yonidagi Suaresga borib tushdi, uning chap oyog'i bilan yo'llagan zarbasi darvozaga kirib ketdi - 2:1.

So'nggi daqiqalarda Angliya katta kuch bilan oldinga o'tdi, so'nggi daqiqada Jo Xartning hujumga borishi ham yordam bermadi.



Urugvay o'zining ilk uch ochkosini qo'lga kiritdi. Angliya esa ketma-ket ikkinchi uchrashuvni ham yutqazib keyingi bosqichga chiqish imkoniyatlarini keskin pasaytirib yubordi. Italiya - Kosta-Rika o'yinidan so'ng ko'p narsaga oydinlik kiritiladi.
 
JCH-2014. “D” guruhi. 2-tur
Urugvay – Angliya 2:1
San-Paulu. “Arena Korintians” stadioni.
Bosh hakam: Karlos Velasko (Ispaniya)
Yordamchi hakamlar: Roberto Alonso Fernandez (Ispaniya), Xuan Yuste (Ispaniya).
Zaxira hakami: Alirizo Fag'oni (Eron)

GOLLAR: Luis Suares 38, 85 - Ueyn Runi 75

Urugvay: Muslera,Ximenes, Godin, Kaseres, A. Pereyra, Arevalo Rios, Lodeyro (Stuani, 66), Gonsalez, K. Rodriges, Suares (Koates, 87), Kavani

Angliya: Xart, G. Jonson, Yagielka, Keyxill, Beyns, Jerrard, Xenderson (Lambert, 89), Uelbek, Runi, Sterling (Barkli, 63), Starrij

Ogohlantirishlar: Godin 9 - Jerrard 68.

#	Jamoa	O'	YU	D	M	UG - O'G	T-N	O
1	Kosta-Rika	1	1	0	0	3 - 1	2	3
2	Italiya	1	1	0	0	2 - 1	1	3
3	Urugvay	2	1	0	1	3 - 4	-1	3
4	Angliya	2	0	0	2	2 - 4	-2	0

Narzulla Saydullaev.