Jamshid Saidov: "Mavsumni ham kuchli beshlikda yakunlamoqchimiz"

Aleksandr Xomyakov bazi sabablarga ko'ra matbuot anjumanida ishtirok eta olmadi.

"Hamma jurnalistlarni kirib kelayotgan bayrami bilan tabriklayman. Klubimiz azolari nomida tabriklab, sog'lik tilaymiz. Matbuotga beetibor emasmiz.",  - deb kirib keldi "Mashal" klubi yordamchi murabbiyi Jamshid Saidov.

"Biz birinchi navbatdagi bugungi g'alabadan va muxlislarni xursand etaganimizdan mamnunmiz. Barcha yigitlarga minnatdorchilik bildiraman. Qiyin uchrashuvda g'alabaga erishish bu - qoniqarli. Bosh murabbiyni ko'rsatmalarini va berilgan topshiriqlar to'la bajarildi. "Mashal" o'zbek futbolida o'ziga xos o'ringa ega. Biz uni ananalarini va natijalarini yaxshilash uchun ishlaymiz. Hammamiz bir maqsadda ish olib borayapmiz", - deydi Jamshid Saidov

- "Nasaf"dan uchralgan mag'lubiyat jamoa ruhiyatiga tasir o'tkazmaganini bugungi o'yin isbotladi. Jamoangizda ruhiyat kuchlimi yoki raqib kuchsiz o'yin ko'rsatdimi ?

"Nasaf"dan uchralgan mag'lubiyat futbolchilar tasir o'tkazdi lekin malum muddatda o'zlarini to'la tiklay oldi. Raqibimiz kuchli edi va munosib o'ynadik. Birinchi bo'lim 2:2 o'ynadik va bu ruhiyatni tiklashga yordam berdi.

- Muydin Mamazulumov bugun yaxshi o'yin ko'rsatayotgan edi nima uchun zaxiraga olindi? Botir Nosirov ham ko'rinmadi.

Agar ko'rgan bo'lsangiz Muydin kichik jarohat bilan maydonni tark etdi. Undan tashqari To'raev ham oyog'idan kichik jarohat oldi. Ular zaxirani so'radi va biz munosiblarni qo'ydik deb o'ylayman.  Otabek SHukurov va Eldor SHomurodov kabi yoshlarimiz munosib bo'lib etishmoqda. Akademiyamizga tayanamiz va mana yoshlar ligasi tarkibimiz ham ijobiy natijalar qayd etmoqda.  Nosirovda to'rtta sariq kartochka bor edi va o'tkazib yubordi.

- Jamoani navbatdagi rejalari qanday?

Biz hozir tatilga chiqamiz. 1 iyuldan boshlab tibbiy ko'rik va yig'in boshlanadi. Toshkent viloyatida 10 kunlik yig'in, so'ngra navbatdagi rejalar belgilanadi. Avgustda navbatdagi mavsum boshlandi va biz ungacha jiddiy tayyorgarlikni olib boramiz. Odatda birinchi davradan ko'ra, ikkinchi davra og'ir kechadi. Biz keyingi davrada ham kamida 20 ochko uchun o'yin ko'rsatamiz. Kuchli beshlikka kira olsak, mavsumni yaxshi deb baholasak bo'ladi. Davrani beshlikda yakunlash emas , mavsumni beshlikda yakunlamoqchimiz.

- Jamoaning himoa chizig'ida muammolar bordek ko'rinmayapdimi ? Tarkibda o'zgarish qilish fursati etmadimi ?

Buni bosh murabbiy bilan maslahatlashgan holda amalga oshiramiz. Legionerlar ham kelishi mumkin. Yig'inlar davomida barcha o'zgarishlar bilan rasmiy tanishtirib boramiz.

- Negadir bugun stadionga juda ham muxlis kam tashrif buyurdi.

Buni har xil tushunish mumkin. Masalan hozir jahon chempionat bo'lmoqda va hamma etibor shunga qaratilgan. Undan tashqari bu daraja issiqda stadionga muxlis kelishi ham qiyin. SHunga qaramay klub muxlislarni jalb etish uchun barcha ishni amalga oshirmoqda.