Jamshid Hasanov: "PFL kubogini qo'lga kiritishni rejalashtirganmiz"

"Obod" o'tgan yili shu turnirning finalida "Mashal" bilan o'ynagan edi. Bu jamoa hujumkor o'yin ko'rsatadi va bugun ham shunday bo'ldi. Yaratilgan imkoniyatlardan foydalanganimiz bizga finalni taqdim etdi. Tajriba borasida "Obod"dan ustunroq edik. Jamoani shakllantirish uchun har xil o'yinlarda boshqa-boshqa tarkib maydonga tushmoqda. Murabbiyimiz bergan ko'rsatmalarni bajarib , o'yinni shakllantirish birinchi vazifamizdir. Turnir boshlanishidan oldin jamoa oldiga nafaqat kubokni olish,  balki o'yinni olib borish ham vazifa edi.  SHu yo'lda davom etamiz. Rejamizda kubokni qo'lga kiritish albatta bor" , - deydi Jamshid Hasanov.

- Bu yilgi turnir o'tgan yili bo'lib o'tgan PFL kubogidan nimasi bilan farq qilmoqda?

Farqni ko'rmadim. Raqiblar ham unchalik o'zgarmagan. Turnir jamoani shakllantirish uchun xizmat qiladi. Klubimizda legionerlar ko'rikdan o'tdi. Asosan shularda foyda bo'lishi mumkin.

- Finalda voha derbisini ko'ramiz ? Bu o'zgacha ahamiyatga ega ?

Albatta, PFL kubogining finalida ikki voha jamoasi maydonga tushadi. "SHo'rtan" bu yil Oliy ligaga qaytdi. Bizning jamoa ham o'tgan yili Oliyga qaytgan va shu turnirda g'oliblikni qo'lga kiritgan edi. SHu bois o'rtada katta farq bor deb hisoblamayman. Ikki jamoada ham imkoniyat bir xil. "SHo'rtan"da bu yil katta o'zgarishlar bo'ldi va kuchli jamoa shakllanmoqda. "Mashal" esa o'tgan yilgi tarkibni saqlab qolish bilan shakllantirdi. Yuqorida aytganimdek sovrin uchun maydonga tushamiz.