Jamshid Boltaboev: "Ikkinchi bo'limda o'yinimiz o'xshadi"

Hujumlarni boshlash uslubi Odil Ahmedovni eslatib yuborayotgan futbolchimiz o'yindan keyin saytimizga qisqacha intervyu berdi.

"Birinchi bo'limda himoyaviy reja asosida o'ynadik va bu o'z samarasini berdi. Ammo o'yin borasida oqsash bor edi. Tanaffus chog'ida murabbiyimiz bu o'yinda albatta ochko olishimiz kerakligi, qolaversa buni millionlab o'zbek muxlislari kutib turishganligini yana bir bor eslatadilar. Ikkinchi bo'limda maydonga chiqdik va o'yinimiz ham o'xshadi", - deydi Jamshid Boltaboev.

- Panama bilan o'yindan keyin havotir yo'q emas edi. Lekin hujum chakki bo'lmagan edi. Bugun esa himoya yaxshi harakat qildi. Xorvatiya bilan o'yinda shu ikkisini umumlashtira olamizmi?
- Albatta bunga harakat qilamiz. Bugun himoyada murabbiy vazifasini aytganidek bajarganimizdan hammamiz xursandmiz. Boisi Marokash hujumda kuchli o'ynadi. Endi keyingi o'yinda ham yaxshi natija bilan hamyurtlarimizni xursand qilmoqchimiz.


Nodirxo'ja Yuldashev
Fujayra