Yupp Xaynkes: “Durang uchun jamoamni ayblay olmayman”

“Golsiz durangga qaramay, jamoam bahsga har tomonlama tayyor ekanligini namoyish eta oldi. Birinchi bo'limda ayniqsa, ko'plab xavfli vaziyatlarni golga aylantira olmadik. “Gerta” juda yaxshi himoyalandi. Albatta, bu natijaga ko'nikishga majburmiz, umuman olganda jamoamni ayblashdan yiroqman. Nimagadir bugun to'p darvozaga kirishni istamadi. Futbolda shunaqasi ham bo'lib turadi”, deydi Xaynkes.

“Gerta”ga qarshi durangdan keyin myunxenliklarning 14-ta o'yindan iborat g'alabali seriyasiga chek qo'yildi va jamoa bu boradagi shaxsiy rekordini yangilay olmadi.