Yoshlar ligasi. 30-tur. "Bunyodkor" - "Qo'qon-1912" 4:0 yoxud "qaldirg'ochlar" chempion
18 noy 2015 16:05
Yangiliklar

Yoshlar ligasi. 30-tur. "Bunyodkor" - "Qo'qon-1912" 4:0 yoxud "qaldirg'ochlar" chempion

Bugun yoshlar ligasining 30-turidan o'rin olgan bitta o'yin bo'lib o'tdi.

Ushbu uchrashuv “Bunyodkor” o'rinbosarlari uchun katta ahamiyat kasb etardi. Mazkur o'yindagi g'alaba yosh “Qaldirg'ochlar”ni chempionga aylantirardi. Buni his etgan maydon egalari jangovor tarkib bilan harakat qilishdi. Aniqrog'i, bir nechta asosiy tarkib futbolchilari o'yin qaydnomasiga kiritildi.

O'rinbosarlarimiz safida esa asosiy tarkib vakillaridan Suhrob Qobilov, Hasanboy Ergashev, Maruf Zokirjonov va Ruslan Matniyazovlar 18 talikka kiritildi.

O'yinning 13-daqiqasida “Qaldirg'ochlar” hisobni ochishga muvaffaq bo'lishdi. Gol muallifi Javohir Qahramonov bo'ldi. SHundan keyin har ikki jamoada hisobni o'zgartirish uchun bir qator vaziyatlar vujudga kelganiga qaramay, gol urish hech kimga nasib etmadi.

Ikkinchi taymning 60-daqiqasida maydon egalari ikkinchi marta darvozaga yo'l topishdi.

Nodir Mavlonov chamasi 28 metrlardan belgilangan jarima to'pini aniq amalga oshirib, hisobni 2:0ga etkazdi.

Uchrashuvning so'nggi daqiqalarida mezbonlar hisobni yirik ko'rinishga keltirib qo'yshdi. Avvaliga 88-daqiqada Muhammadodil Qahramonov hisobni 3:0 bo'lishini taminlagan bo'lsa, 90+1 daqiqada Eldor SHomurodov to'rtinchi to'pni kiritdi.

SHunday qilib, o'rinbosarlarimizning beshta o'yindan iborat mag'lubiyatsiz seriyasiga barham berildi. “Bunyodkor” o'rinbosarlari esa ushbu g'alabadan keyin chempionlikni qo'lga kiritishdi.

YOSHLAR LIGASI. Musobaqa jadvali

"Bunyodkor" - "Qo'qon-1912" 4:0

Gollar: Javohir Qahramonov 13, Nodir Mavlonov 60, M.Qahramonov 88, Eldor SHomurodov 90+1.

"Bunyodkor": Akbar To'raev, Islom Qobilov, Sardor Sobirxo'jaev, Samir Bekrich, Vyacheslav Purak, SHahzod Abdurahimov, Farhod Namozov, Ergash Ismoilov, Xurshid G'iyosov, Akrom Komilov, Javohir Qahramonov.
Zaxira: Abdukarim Muhammedov, Rustam Ashurmatov, Nodir Mavlonov, Muhammadodil Qahramonov, Eldor SHomurodov, Doston Hamdamov, Bosit Rahimov.

"Qo'qon-1912": Asilbek Omonov, Oybek Rustamov, Laziz Nazirov, Abror Rahmonov, Suhrob Qobilov, Iqboljon Malikjonov, Avazxon Mamatxo'jaev, Maruf Zokirjonov, Dostonbek Meliqo'ziev, Muhammadanas Hasanov, Elyorbek Muyidinov.
Zaxira: Ruslan Matniyazov, Hasanboy Ergashev, Ibrohim Usmonov, Ibrohim Muxtorov, Muhammad Yusupov, Sardor Isoqov, Aleksandr Kritinin.

Havola :

Manba : kokand1912.uz

Yangiliklarni Telegramda o'qing!

Reyting: +4