"Yil jangi"ga davogar to'qnashuv uchun PREVYU
25 sen 2020 20:00
Yangiliklar

"Yil jangi"ga davogar to'qnashuv uchun PREVYU

Bizning vaqt bilan yakshanba tongida Abu-Dabining "Janglar oroli"da oyning eng kutilgan UFC kechasi bo'lib o'tadi.

Kechaning markaziy jangida o'rta vazn chempioni Israel Adesanya davogar Paulo Kostaga qarshi oktagonga ko'tariladi. Har ikki jangchining birgalikdagi umumiy g'alabalari 32 tani tashkil qiladi, shundan 25 tasi muddatidan avval yakunlagan. Mag'lubiyat esa har ikkisida ham 0. Adesanyaning aqliy salohiyati ko'plab jangchilarnikidan ustun. Kosta esa raqiblarini bitta zarba bilan «uxlatib» qo'yadigan kuchga ega.

Adesanya rekord tezlikda UFC kamarini qo'lga kiritgan. Israel vaznni juda tez «tozalash»ga erishgan.

Israel Adesanya uzoq vaqt davomida kikboksing sport turida kuchlilar qatorida turgan. Uning bu sportdagi ko'rsatkichi 75-4ni tashkil qilgan, lekin asosiy maqsadi – chempionlikka erisha olmagan. Kikboksingdagi UFC hisoblanmish “Glory”da to'rtta jang o'tkazib, ikkitadan g'alaba va mag'lubiyat qayd etgan. Qizig'i, barcha janglar g'olibi hakamlar qaroriga ko'ra aniqlagan, xususan imkoniyatni boy berib qo'ygan chempionlik jangi ham.

Asli nigeriyalik bo'lgan MMA yulduzi “Glory”da faoliyat olib borayotgan vaqtida MMA janglarida ham ishtirok etgan va o'sha vaqtda uning rekordi 9-0 edi. 2017 yilda Israel ikkita raqibini mag'lub etdi va MMAning eng kuchli promousheni - UFC bilan shartnoma imzoladi. UFC'dagi dastlabki jangida nokaut bilan g'alaba qozonadi. SHundan so'ng yana to'rtta jangda g'olib bo'lgan Israel o'rta vaznda haqiqiy shovqin ko'taradi. 2019 yilning 5 oktyabr kuni esa o'sha vaqtdagi UFC chempioni Robert Uittakerga qarshi oktagonga ko'tarildi. Bu jangda Israel Adesanya kutilmaganda sakkiz yarim daqiqa ichida raqibini yanchib tashladi.