"Jasur Yaxshiboev yuqori darajadagi futbolchi" - "Energetik-BGU" bosh murabbiyi Vladimir Belyavskiy bilan intervyu

2020 yil boshida "Energetik-BGU" safiga borib qo'shilgan Jasur Yaxshiboev va SHahboz Umarov ko'p vaqt o'tmasdan o'zlaridan ijobiy taassurot qoldirishni boshlashdi. Bu yilga kelib esa jamoada uch nafar o'zbekistonlik futbolchi to'p tepmoqda. Bobir Abdixoliqov, Doniyor Abdumannopov, SHahzod Ubaydullaev. Qiziq, nima uchun klub hamyurtlarimizga qiziqib qoldi? Futbolchilarimiz uchun Belarus Rossiyadan ko'ra qulay chempionatmi? Biz shu va boshqa savollar bilan jamoa bosh murabbiy Vladimir Belyavskiy bilan bog'lanib suhbatlashdik. 

- Evropadagi sarguzashtlarini aynan "Energetik-BGU" boshlagan Jasur Yaxshiboev bugungi kunda "SHerif"da to'p tepmoqda. U yaqinda ECHLda "Real Madrid" darvozasini ishg'ol qildi. Sizda uning o'yini qanday xulosa uyg'otdi?

- Jasur Yaxshiboev yuqori darajadagi futbolchi. U jamoaimizga kelgan ilk kunlardanoq buni ko'rsatgan. Mashg'ulot uslubimizga tezda ko'nikib ketgandi. Natijada birinchi davradan so'ng Belarus chempionatining eng yaxshi to'purari bo'ldi. Ikkinchi davrada amaldagi chempion Soligorskning "SHaxtyor" jamoasiga yo'l oldi. Meni etiborimni tortgan narsa shu bo'ldiki, o'zbekistonlik futbolchilar jamoaviy o'yinga tezda kirishib ketishlari qiyin kechadi. Bunga jismoniy holat ham sabab bo'lishi mumkin. Yana bir iqtidorli futbolchi SHahboz Umarovda jismoniy jihatdan formaga kirish qiyin kechgan. Lekin o'z ustida ishladi, mashg'ulotlarda ter to'kdi. Hozir mana BATEda o'ynayapti. Umuman olganda futbolchilaringiz bilan aloqalarimiz yaxshi. 

- Jasur Yaxshiboev va SHahboz Umarov "Energetik-BGU"ga kelishidan oldin o'z jamoasida o'yin amaliyotiga ega emasdi. CHunonchi, Umarov AGMKda o'rinbosarlar azosi hisoblanardi. Bunday pallada hamma murabbiy ham darhol ishonch bildirib ketavermaydi...

- Bilasizmi, mashg'ulot va tayyorgarlik ko'p narsani hal qilib beradi. Bunday paytda individual kuchli futbolchilar bilan ishlash bir muncha qiyin bo'ladi. Lekin jamoamizda mashg'ulotlarda 8 nafargacha murabbiy ishlaydi. Futbolchilar bilan shug'ullanadi. Ustida ishlaydi, keraksiz jihatlarni kamaytirishadi. Har birining o'z xarakteri bor. Asosiysi, biz bir-birimizni tilimizni tushuna oldik. 

- Nima deb o'ylaysiz, Belarus o'zbekistonlik futbolchilarga Evropaning kuchli klublariga borish uchun Rossiya yoki Ukrainaga qaraganda qulay chempionatmi? Yani yaxshi trampolinmi?

- Evropadagi ko'p chempionatlarda jismoniy holatga katta etibor qaratilishini juda yaxshi bilasiz. Xususan, "Energetik-BGU"da bu borada ishlanadi. Jasur Yaxshiboevdan tashqari, Ilya SHkurin Moskvaning CSKA jamoasiga ketdi. Hozirda Kievning "Dinamo" klubida harakat qilmoqda. 

- O'tgan mavsum ikkinchi davrasida o'ynagan Xumoyunmirzo Iminovga o'zini ko'rsatishi uchun nima etishmadi?

- Menimcha yana bir yil qolishi kerak edi. Yaxshi va sifatli o'yinchi. Yaxshiboev va Umarov mavsum oldidan o'tkazilgan yig'inlarda qatnashishgandi. Iminov esa ikkinchi davrada kelib qo'shildi. SHu bois biroz qiynaldi. Ammo ortiqcha etirozim yo'q. Aytganimdek yana bir yil qolganida umuman boshqa darajadagi o'yinchiga aylanardi. 

- Ayni paytda "Energetik-BGU" sharafini himoya qilayotgan Bobir Abdixoliqov, SHahzod Ubaydullaev va Doniyor Abdumannopov haqida fikringizni bildirsangiz? 

- Nima desa ekan, mentalitetmi yoki o'zbekistonliklarga hos bo'lgan odatmi, qiynalishadi. O'z vatanlaridan olisda sog'inib qolishadi. Mana shu jarayonni engib o'tish lozim. SHuningdek bu uch futbolchi turli holatda kelgan. SHahzod "SHaxtyor"dan, Bobur esa "Rux"dan safimizga qo'shildi. Yaxshi jismoniy sport formasiga kirib olishsa o'zlarini ko'rsatishlariga ishonaman. Bobur Abdixoliqov Ukrainada deyarli o'ynamadi. O'yin amaliyotisiz qolgan. SHu bois tiklanib olishi zarur. 

- O'zbekistonlik futbolchilarning qaysi jihati sizni qiziqtira oldi?

- To'p bilan ishlash, tezkorlik va texnik tomondan kuchli. Faqat jismoniy holatda oqsash bor, xolos. 

- Futbolning rivojlanishi uchun nima birinchi o'rinda bo'lishi kerak? Pul yoki xohish?

- Birinchi navbatda xohish bo'lishi kerak. Xohish bo'lsa, pul topiladi. 

Abdulaziz Iskandarov suhbatlashdi