Yashnobodning yana bir muhim g'alabasi
06 avg 2018 18:49
Yangiliklar
Yashnobodning yana bir muhim g'alabasi
Musobaqaning “V” guruhida qatnashayotgan “Yashnobod” futbolchilari navbatdagi bahsda Sergelining LSF jamoasiga qarshi maydonga tushdi. “Obod” suniy qoplamali stadionida o'tgan o'yinda mezbonlar katta shijoat bilan boshlashdi. Dastlab 10-daqiqada mezbonlardan Azamat Boymatov uchrashuvda hisobni ochgan bo'lsa, oradan besh daqiqa o'tib, Bekzod Ahmedov hisobni 2:0 ko'rinishiga keltirdi. Ko'pchilik o'yinda yashnobodliklarning yirik hisobdagi g'alabasini taxmin qilishayotgan bir pallada tanaffusgacha uchrashuvda boshqa hisob o'zgarmadi.
Ikkinchi bo'limda ham mezbonlar juda ko'plab golli vaziyatlarni yuzaga keltirishgan bo'lsa-da, imkoniyatlardan unumli foydalana olishmadi. Aksincha, “sen urmasang, senga urishadi”, deganlaridek, LSF vakillari raqib darvozasiga yo'l topib, hisobni qisqartirishni uddalashdi — 2:1.
Mazkur o'yinda “Yashnobod” jamoasi quyidagi tarkibda maydonga tushdi:
Boburjon Haydarov, Rasuljon Rahmonberdiev, Islom Ismoilov, Yusuf Aliev, Bekzod Ahmedov, SHokir Beknazarov, Firdavs Kenjaev, Abbos Saidkarimov, Bahodir Daminov, Mirjalol Mirzaev, Azamat Boymatov (s).
Zaxiradan maydonga tushganlar: Rasul SHuhratov, Aziz To'xtamatov, Tohir Isroilov, Ahror Azamatov, Aziz Fayziev, Hojiakbar Oltinov.
“V” guruhining ikkinchi juftligida 16-BO'SM — “Bunyodkor-B” jamoalari o'zaro kuch sinashdi — 2:3.
Taqvimga ko'ra, guruhdagi oxirgi tur bahslari 7 avgust kuni bo'lib o'tadi. Unda “Yashnobod” — “Bunyodkor-B”, LSF — 16-BO'SM jamoalari maydonga tushadi. Musobaqa nizomiga ko'ra, guruh g'olibi yarim finalga yo'llanma oladi. Unda “A” guruhi g'olibi “V” kvarteti peshqadamiga qarshi maydonga chiqadi.
Fikrlar