Yaponiya U-20 terma jamoasi bosh murabbiyi: "Dastlabki kichik vazifani bajardik"

- O'yin haqida fikrlaringiz...

- Ilk navbatda, raqib haqida to'xtalib o'tishim lozim, ular bizga biroz o'zgacha yondashdi. Birinchi bo'limda to'pni nazorat qildik, ikkinchi taym so'ngida esa hisobni saqlab qolishga intildik. Guruh bosqichidagi dastlabki ikki uchrashuv qiyin bo'ldi, uchinchi uchrashuvda esa erta gol urib oldik va bu bizga erkinroq o'ynashga imkon berdi. Dastlabki kichik vazifani bajardik.

- Guruhlarda birinchi o'rinni olgan jamoalarning barchasi yuz foizlik natija qayd etishmadi, O'zbekiston so'nggi uchrashuvda durang o'ynadi, Vetnam esa mag'lub bo'ldi. So'nggi uchrashuvda ham g'alaba qozonish uchun futbolchilarga qanday motivaciya berdingiz?

- Men futbolchilarni ruhlantirish kerak deb o'ylamayman, chunki ular juda yaxshi tayyorgarlik ko'rishgan va ularning o'zida katta motivaciya bor, chunki bu turnir muhim ahamiyatga ega ekanligini futbolchilar mendan ko'ra yaxshiroq bilishadi. Endi bor etiborimizni Iordaniyaga qarshi kechadigan bahsga qaratamiz.

- Birinchi va ikkinchi tur bahslarida gol va assistlar qayd etgan Kodai Sano bugun maydonga tushmadi. Sanoni chorak final bahsi uchun asradingizmi?

- Men eng yaxshi tarkibni tanlab oldim, bizda iqtidorli o'yinchilar bisyor va iloji boricha barcha futbolchilarga imkon berishimi kerak. Kodai buni to'g'ri tushunadi deb o'ylayman.