"Yana boshladingizmi, murabbiy?" - Kapello jonli efirda Ronaldo bilan hazillashdi

Eski xotiralar va ortiqcha vazn:

Eslatib o'tamiz, italiyalik mutaxassis avvalroq "Madrid"da birga ishlagan davrlarida Ronaldoning ortiqcha vazn bilan bog'liq muammolari haqida ochiq gapirgan edi:

"U ozishni yoqtirmasdi. U shunchaki hayotdan zavqlanib yashashni sevardi. Shuning uchun ham men uni "Real"dan haydab yuborganman."

Jonli efirdagi hazil:

Bu safar Kapello va Ronaldo Chempionlar Ligasi doirasidagi "Inter" — "Budyo-Glimt" (1:2) uchrashuvida "Sky Sport" telekanali eksperti sifatida birga ishlashdi. Jonli efir vaqtida ular o'rtasidagi eski mavzu yana ko'tarildi.

Kapello kutilmaganda sobiq shogirdiga yuzlanib so'radi: "Hozir vazning qancha?"

Ronaldo esa bunga javoban tabassum qildi va: "Qo'ysangiz-chi, murabbiy, yana boshladingizmi?" — deb javob qaytardi.

Ushbu qisqa va samimiy dialogdan so'ng studiyadagi barcha ekspertlar kulgini yashira olishmadi. Murabbiy va shogird o'rtasidagi bunday iliq munosabat muxlislarning etiborini tortmoqda.