Xavi: "Neymar "Barselona"ning rejalariga kirmaydi"

"Bu malumotlar meni hayratda qoldirdi... U bizning rejalarimizda yo'q. Men buni juda qadrlayman, lekin bizning maqsadlarimiz boshqacha. Sport bo'limi barcha yozgi transferlar bo'yicha qaror qabul qilib bo'ldi", – dedi Xavi.

Oldinroq Neymar Lionel Messining transferi muvaffaqiyatsizlikka yuz tutgach, "Barselona"ga qaytishi mumkinligi haqida xabarlar tarqalgandi.

Neymar 2017 yildan beri PSJ safida o'ynamoqda. SHartnoma 2025 yilning yoziga qadar mo'ljallangan. U o'tgan mavsum barcha musobaqalarda 29 ta o'yinda maydonga tushib, 18 ta gol urdi hamda 17 ta golga assistentlik qildi.