Xavi: "Maqsadimiz - ikkinchi o'rin"

"Biz haqiqatni tan olishimiz kerak, lekin o'z ishonchimizni zarracha ham o'zgartirmoqchi emasmiz. 

"Atletiko", "Real Madrid", "Sevilya" singari buyuk ispan klublarini mag'lub etdik. Xuddi shu ruhda davom etishimiz kerak.

Birgalikda yanada yaxshiroq o'yin ko'rsatishimiz, raqobatbardosh bo'lishimiz, ishonch va xohishga ko'proq ega bo'lishimiz lozim. Haqiqat shundaki, sovrinlar uchun kurashmayapmiz. Biz har qachongidan ham kamtarroq bo'lishimiz va ikkinchi o'rin haqida o'ylashimiz kerak.

Ikki-uch hafta oldin bizni La Ligadagi chempionlik uchun kurash ruhlantirgandi, hozir esa bundan juda uzoqdamiz. Maqsadimiz - ikkinchi o'rin uchun kurash. Noyabrdagidek ahvolimiz yomon emas, ammo yanada yaxshilanishimiz kerak", - dedi "Barselona" ustozi.