Xavi Ilkay Gyundogan bilan bog'landi

32 yoshli Germaniya terma jamoasi azosi Kataloniya klubi uchun asosiy nishonlardan biri hisoblanadi. Ispaniya klubi moliyaviy holati tufayli shartnomasi yakunlanish arafasiga kelib qolgan yulduzlarni o'z tomoniga og'dirishga urinmoqda. Xuddi shunday amaliyot "Manchester Siti" yarim himoyachisi bilan ham amalga oshirilmoqda.

Gyundogan "Etixad"dagi bitimi tugashi bilanoq "Kamp Nou"ga yo'l olish uchun hatto kamroq maosh olishga ham rozi ekanini bildirgan. Bu ushbu kelishuv sodir bo'lishi ehtimolini yanada kuchaytirdi. "SHaharliklar"ning bir qator o'yinchilari jamoa bosh murabbiyi Pep Gvardiola bilan kelisha olmay qolgani haqidagi mish-mishlardan so'ng "Barsa" vaziyatdan foydalanib, ularni Ispaniyaga taklif qilishga kirishdi.

Gyundogan joriy mavsumda APL vakili safida jami 34 ta o'yinda maydonga tushirildi va 4 ta gol urib, xuddi shuncha assist qayd etdi.