Xavi: "Barselona" qanday futbol o'ynashni istayotganini ko'rsatib berdi"

"Keng ko'lamli tarkibimiz bor. Barcha yaxshi mashg'ulot qilyapti, har bir futbolchi jamoaga yordam berishni istamoqda, hamma bir-biriga muxtoj - bu esa eng asosiysi. Ushbu mavsum noodatiy o'tyapti, o'yinlar taqvimi juda tig'iz, shu sababli bizga har bir futbolchi kerak. Jamoaviy o'yinni o'ynash maydonga tushayotgan har bir futbolchining burchi bo'lib qoladi.

Bizda variantlar juda ko'p. Sovrinlarni butun bir jamoa oladi, asosiy tarkibning 11 futbolchisi emas. Biz qanday futbol o'ynashni istayotganimizni ko'rsata oldik. Tashabbusni ushlab turishni istaymiz. Klubning talablari juda kuchli, bu esa o'ziga hos bosimni beradi. Jamoa o'tgan noyabrga qaraganda kuchliroq darajada. Biroq "Barselona"ni jiddiy sinovlar kutmoqda. Undan chiqib ketish uchun chin dildan mehnat qilib, jamoa, oila bo'lish kerak.

Balde ayni damda yaxshi holatda, u bizga ko'p narsalarni bera oladi. 18 yoshli futbolchining bunday o'yin ko'rsatishi ajoyib holat. Bizda uch nafar yuqori darajadagi chap qanot himoyachilari bor", - dedi Xavi.