"Vodiy futboli". Bugun yoshlar ligasidagi o'yinlar bo'ladi

"Andijon": Ibrohim Otaxonov "Mashal"ga qarshi o'yinni o'tkazib yuboradi

"Burgutlar" oliy liganing 17-turini o'z maydonida "Mashal"ni qabul qiladi. Uchrashuvda himoyachi Ibrohim Otaxonov ishtirok eta olmaydi. Sababi futbolchi o'tgan turda mavsumdagi to'rtinchi ogohlantirishini oldi.

Bugun yoshlar jamoalari o'rtasidagi bahs soat 17:30da boshlanadi.


"Neftchi": "Lokomotiv"ga qarshi o'yinga tayyorgarlik davom etmoqda

Farg'onaning "Neftchi" klubi ertaga Toshkentning "Lokomotiv" klubini qabul qiladi. Ushbu o'yin Murod Ismoilov boshchiligidagi jamoa uchun juda muhim hisoblanadi. Farg'onaliklar o'tgan turda G'uzorda uchralgan yirik mag'lubiyat tasodif ekanini isbotlashlari kerak.

"Neftchi" va "Lokomotiv" yoshlari o'rtasidagi bahs bugun 17:30da start oladi.


"Navbahor": Ertaga Bekobodda "Metallurg" bilan o'ynaymiz

Namanganning "Navbahor" klubi 17-turni Bekobodda "Metallurg"ga qarshi o'tkazadi. Dastlabki davrada Namanganda bo'lib o'tgan bahsda 2:2 hisobi qayd etilgandi.

Yoshlar o'rtasidagi bahs bugun soat 17:30da boshlanadi.


"Qo'qon-1912": "Paxtakor"ga qarshi o'yin 19:00da boshlanadi

Bugun "Qo'qon-1912" klubning matbuot xizmati bo'limi vakili Anvarjon Oxunovning tug'ilgan kuni. Qo'qon futbolining jonkuyar insonlaridan biri bo'lmish - Anvarjon aka bugun 61 yoshga to'ldi. SHu munosabat bilan u kishini klubimiz rahbariyati, murabbiylar shtabi, futbolchilar, klub xodimlari va futbol muxlislari nomidan chin yurakdan tabriklaymiz. U kishiga sihat-salomatlik, kelgusi ishlariga omad tilab qolamiz.

Oliy liganing 17-turidan o'rin olgan "Paxtakor" - "Qo'qon-1912" uchrashuvi 8 avgust kuni 19:00da boshlanadi.