Viktor Jalilov: "O'sha paytda namanganlik futbol muxlislariga ajoyib onlarni tuhfa etgandik"

Biz esa o'sha chempion tarkibda bosh murabbiy sifatida faoliyat olib borgan Viktor Jalilov bilan suhbatlashdik.

-Viktor Romanovich, tarixiy g'alabaning 20 yilligi bilan tabriklaymiz. O'sha paytdagi shogirdlarni ko'rib ko'nglingizdan nimalar o'tmoqda?
-Albatta, rahbariyatning ushbu sanani eslagani juda yoqimli. Bu nostalgiya. Haqiqiy bayram. O'sha paytda namanganlik futbol muxlislariga ajoyib onlarni tuhfa etgandik.

-Ushbu tarixiy chempionlikning asosiy sababi nimada deb o'ylaysiz?
-CHempionlikda ko'pchilikning hissasi bor. Ayniqsa Hakimjon Hoshimovning sharofati bilan o'sha tarkib saqlab qolingandi. Mustaqillikdan so'ng tarkibni, jamoani, klubni saqlab qolib, uni kuchaytirish 1996 yilda o'z natijasini bergan. Magomedov, Denisov kabi tajribali futbolchilar ham safimizda bo'lgan. SHuningdek, SHackix, Musaboev, Madrahimov, Dilmuhammedov kabi o'yinchilar ham yuqori saviyada o'yin namoyish etganlar. Barcha futbolchilar bir birini tushunib harakat qilardilar. Bu esa o'z mevasini bergan.

-Ko'pgina futbolchilar terma jamoada ham o'ynardilar o'sha paytda...
-Ha, albatta. Deyarli 40 % - 50 % futbolchilarimiz turli paytlarda terma jamoada o'ynaganlar. Farhod Magomedov, Ilhom SHaripov, Oleg SHackix, Musaboev, Marufalievlar ham bosh jamoamizdan chaqiruv olgandilar.

-Ushbu futbolchilar bilan birga ishlash sizga oson bo'lgandir?
-Futbolda oson ish bo'lmaydi. Doimo, qiyinchiliklar, mag'lubiyatlar bo'lib turadi.

-O'sha yillari asosiy raqib "Neftchi" hisoblanardi...
-Ha, aynan o'sha paytda asosiy raqobat bo'lgandi ikkita jamoa o'rtasida. Aynan ulardan chempionlik unvonini olib qo'yganmiz.

-O'sha vaqtdan beri nimalar o'zgardi?
-Juda ko'p narsa o'zgardi. Menga yoqqan tomoni, jamoa o'z ananalarini saqlab qoldi. "Paxtakor", "Neftchi"lar bilan birgalikda "Navbahor" ham muntazam tarzda Oliy ligada ishtirok etib kelmoqda.