"Vest Xem" futbolchisi umrbod futboldan chetlatilishi mumkin
05 iyu 00:28
Yangiliklar

"Vest Xem" futbolchisi umrbod futboldan chetlatilishi mumkin

Angliyaning “Vest Xem” klubi va Braziliya terma jamoasi yarim himoyachisi Lukas Paketa pul tikish qoidalarini buzganlikda ayblanmoqda.

Manbaning xabar berishicha, agar aybi isbotlansa, 26 yoshli futbolchi Angliya Premer-ligasi qoidalariga ko'ra, umrbod futboldan chetlatilishi mumkin.

Paketa Angliya Premer-ligasining to'rtta jamoasi – 2022 yil “Lester” va 2023 yil “Aston Villa”, “Lids” va “Bornmut” jamoalariga qarshi o'yinlarda qasddan qoidabuzarlik sodir etgan.

Taxminan 60 kishi ushbu o'yinlarda 7 dan 400 funt sterlinggacha pul tikib, natijada 100 000 funt sterling yutib olishgan.

Qizig'i shundaki, shubhali bukmekerlik o'yinlari haqida birinchi bo'lib signal bergan bukmekerlik idorasi "Vest Xem" klubining titul homiysi — "Betway" bo'lgan.

Qayd etish kerakki, Paketa 2022 yildan beri “Vest Xem” libosida to'p tepadi. Jamoa 2023/2024 yilgi mavsumni 52 ochko bilan 9-o'rinda yakunladi.

Havola :

Manba : The Sun

Yangiliklarni Telegramda o'qing!

Reyting: +1