Van Gal Runini yarim himoyaga qaytarishga tayyor

Oxirgi 6ta o'yinni hujumda o'tkazgan Runi 5ta gol urdi. Ammo bu Van Gal tomonidan majburiy ish edi, sababi Robin Van Persi jarohatlangan, Radamel Falkao esa yomon formada.

Manchester Evening News nashrining xabariga ko'ra, vaziyat o'z joyiga tushsa Van Gal Ueynni yarim himoyaga qaytarishi va tayanch zonasida ham o'ynatishi mumkin.

Runini yarim himoyada o'ynashi "Yunayted" muxlislariga yoqmasligi aniq, biroq Van Gal bir necha marta Ueyn bu joyda jamoadagi hech bir futbolchi ega bo'lmagan sifatlarini namoyish etishga qodirligini aytgandi.