Vali Keldiev "Mashal" yoshlar jamoasi bosh murabbiyi

Ayni vaqtda 12 ochko bilan uchinchi pog'onada borayotgan jamoamizni Jamshid Saidov boshqarib bormoqda edi.  Asosiy tarkib murabbiylar shtabidan Marat Miftaxutdinov ketgandan so'ng,  jamoaga yordamchi murabbiy sifatida Jamshid Saidov o'tdi.
 
Kecha klubda bo'lib o'tgan yig'ilishdan so'ng ,  klub rahbariyati va bosh murabbiy taklifi bilan yoshlar jamoamizga Vali Keldiev bosh murabbiy etib tayinlandi.

Vali Keldievni futbol ishqibozlariga ortiqcha tanishtirib o'tirishning hojati bo'lmasa kerak. O'z vaqtida oliy ligada eng ko'p maydonga tushgan sobiq futbolchi endilikda murabbiylik kasbi bilan shug'ullanmoqda. Vali Norpo'latovich ayni vaqtgacha Mashal futbol maktabida yoshlarga futbol sir-asrorlarini o'rgatish bilan band edi.

Bugundan boshlab yoshlar jamoamiz mashg'ulotlarini Vali Keldiev olib boradi.