Vadim Abramov: "Mavsum boshida 14ta jamoa ham chempionlik uchun kurashadi"

Uning dastlabki qismida mehmonlar ustozi Vadim Abramov qatnashdi.

"Hozir tarkibimizda bor bo'lgan futbolchilar bilan birga oldimizga qo'yilgan vazifalarni bajarishga harakat qilamiz. Termaga ko'plab o'yinchilarimizni olib ketishadi. Agar terma jamoa yig'ilganida klublar o'rtasidagi o'yinlar to'xtatiladi. Bunda muammo bo'lmasa kerak.

Ikkala jamoa murabbiylar bergan ko'rsatmalarga ko'ra o'ynadi. Bunday maydonda faqat bitta taktika bo'ladi: "To'pni oldinga tep, kombinaciya bo'ladi". "Navbahor" yaxshi o'ynadi, himoyachilarimiz ularga nisbatan munosib qarshilik qilishdi. Hakamlar ikkala tomonga ham xatolar qildi, u ham odam. Halol futbol bo'ldi.

"Navbahor"ga keyingi o'yinlarda omad tilayman, muxlislariga gap bo'lishi mumkin emas, agar shunday o'ynashda davom etishsa yuqori o'rinlarga davogarlik qiladi. Kosonsoyga faqat g'alaba uchun kelgandik. Gol o'tkazmay g'olib bo'lganimizdan xursandman. Dilshod Jabborov asli namanganlik bo'lgani uchun bugun uni faqat ikkinchi bo'limda tushirdi, unga bosim bo'lishini bilgandim.

Mavsum boshida 14ta jamoa ham chempionlik uchun kurashadi. Dastlabki 5ta turdan so'ng vaziyat oydinlashadi. Asosiy davogarlar "Bunyodkor", "Paxtakor" va "Nasaf" hisoblanadi. "Olmaliq" ertaga g'olib bo'lsa keyin ko'ramiz", - deydi Vadim Abramov.

SHerzod Hamdamov yozib oldi.