Vadim Abramov: “Keyingi uchrashuvlarda muxlislarga yoqadigan o'yin namoyish qilishga harakat qilamiz”

Ushbu uchrashuvdan keyin Vadim Abramov o'yin haqidagi fikrlarini bildirib o'tdi.

"Avvalo, muxlislardan bugun namoyish etgan o'yinimiz uchun uzr so'rayman. Yigitlar o'yinga o'zlarini ruxan keraklicha tayyorlay olishmadi. CHog'lanish yaxshi bo'lmagani bois, hujumkor va tajovuzkor o'yin ko'rsata olmadik. Kelasi uchrashuvlarda bunday holat bo'lmasligiga harakat qilamiz va ancha jiddiy munosabatda bo'lamiz.

Yaxshiki, ikkinchi bo'lim so'nggida o'yinimizni biroz jonlantirdik va g'alaba qozondik. Bugun o'yin amaliyotiga ko'p ham ega bo'lmayotgan bir necha futbolchiga imkon berdik. Ular qay darajada ishonchimni oqlay olishgani yoki olishmaganini o'zlari yaxshi bilishadi. Alohida to'xtalib o'tishni istamagan bo'lardim.

Islom To'xtaxo'jaevni bugun oldinroqqa o'tib harakat qilishiga ruxsat berdik. U bemalol hujumchi ortida harakat qila oladi. Lozim bo'lsa hujumda ham o'ynataveramiz.

Kelasi uchrashuvlarda ancha shiddatliroq o'yin namoyish qilib, muxlislarimizni xursand qilishga urinamiz", dedi Vadim Karlenovich Abramov.