Vadim Abramov: "Bizni "Navbahor"dek jamoaga qarshi o'yindagi durang ham qoniqtirmasdi"

O'yin haqida

— Avvalo, barcha muxlislarni yangi mavsum bilan tabriklayman. O'yin teng kurashlar ostida kechdi. G'alaba qozonishimiz ham, mag'lub bo'lishimiz ham mumkin edi. Vaziyatlar bo'ldi, ammo undan foydalanishda oqsadik. Muxlislar gol ko'rish uchun kelishadi, ammo u bo'lmadi, shu sabab kechirib qo'yasiz.

— Anvar Hojimirzaev bugun ikkita vaziyatdan foydalana olmadi.

— Namangan muxlislarini tabriklayman, ularni xafa qilishni xohlamadi. Futbol shunday, keyingi o'yinda gol urishiga umid qilamiz.

— "Dinamo" Namangandagi 27-o'yinini o'tkazdi va 7-durang kuzatildi. Samarqand jamoasi bu erda hali g'alaba qozona olmagan. "Dinamo" hujumlar qildi, ammo uni yakunlay olmadi. Penaltini dastlab Marko Stanoevich tepmoqchi edi, ammo Anvar Hojimirzaev bu ishni o'z zimmasiga oldi.

— Birinchi savolga javob beradigan bo'lsam, bu hayojon bilan bog'liq bo'lishi mumkin, baribir birinchi rasmiy o'yin edi. Penaltiga kelsak, Anvar bizda oldindan penaltini tepardi. Marko mendan buni so'raganida, "Nasaf"da penaltidan ura olmaganini aytdi. U esa faqat bir bor o'n bir metrlik nuqtadan gol ura olmaganini aytdim. Ammo, men o'shani eslab qolganman. Anvar Hojimirzaev tepishi mening qarorim edi. Bugun u o'yinda juda faol harakat qildi, ammo bugun uning kuni emas edi. Bugun "Navbahor"dek jamoaga qarshi mehmonda yutishni xohlagandik, durang bizni qoniqtirmasdi. Yigitlar uchun mamnunman.

— O'tgan mavsum Hojimirzaev va Kojo tandemini ko'rgandik. Hozirda esa Fraydey va Mirahmadov bilan bu ishlamayotgandek. Shuningdek, Kojoning ketganini klub elon qilmadi ham, u esa OCHLda o'ynab yuribdi.

— Ketganini barcha biladiku, biz nimani elon qilishimiz kerak? Kojosiz Anvar qiynalib qolayotganini aytishga juda erta. Atigi bir tur o'tdi, beshta turdan so'ng bu haqda nimadir deyish mumkin. Anvar bugun gol urishi mumkin edi, ammo bugun uning kuni emas edi.

— "Dinamo"ning bu mavsumdagi maqsadi qanday?

— 16 jamoa kabi eng yuqori o'rin. Qaysidir o'rin uchun kurashamiz deyishimiz g'alati. Samarqandning yangi hokimi klubning bazasi yo'qligi, mashg'ulot maydoni yo'qligiga etibor qaratadi degan umiddaman. O'ylaymanki, "Dinamo" shundan so'ng eng yuqori o'rin uchun kurashadi.