Unai Emeri "Aston Villa"ning "Arsenal" ustidan qozonilgan g'alabasi haqida gapirdi

“Men o'zimni juda yaxshi his qilyapman. Biz muxlislarimiz bilan bir xil to'lqinda harakat qilmoqdamiz,. Bugungi uchrashuv qiyin bo'lishini bilar edik, chunki chorshanba kungi o'yindan keyin charchoq hali ham bor edi.

Biz yaxshi o'yin ko'rsatdik va himoyada xatolarga yo'l qo'ymadik. Men shogirdlarimga “Man Siti” va “Arsenal”ga qarshi o'yinlarda o'z darvozamizni daxlsiz saqlashimiz kerakligi haqida gapirgan edim va buni uddalaganimiz hayratlanarli. Bugun biz darajamizdan pastroq o'yin ko'rsatdik, ammo biz kurashdik va g'alaba qozondik.

Biz kuchli sakkizlikka kirishni xohlaymiz, lekin ko'plab jamoalar bilan buning uchun kurashishimiz kerak", - deya Emeri so'zlarini keltirmoqda BBC.